Áhugamannadeildin 2018

Fréttaflutningur héðan af síðunni hefur legið í nokkrum dvala sökum anna sl. mánuði en hér verður leitast við að stikkla á stóru frá viðburðum vetrarins.

Keppnistímabil ársins hófst með þátttöku minni í áhugamannadeild Spretts með MUSTAD liðnu í byrjun febrúar en þetta er þriðja árið í röð sem ég tek þátt í deildinni. Við Mói gerðum okkur lítið fyrir og endurtókum leikinn frá því í fyrra og unnum fjórgangsmótið sem var fyrsta mótið af fjórum. Ég keppi jafnframt á Eyrúnu frá Strandarhjáleigu í bæði fimmgangi og slaktaumatölti en við erum ennþá að stilla saman strengi og árangur okkar var í besta falli ásættanlegur. Heildarárangur vetrarins var því töluvert síðri en í fyrra og MUSTAD liðið endaði í 8. sæti af 16 liðum sem var lækkun um fjögur sæti frá því árið áður. Í einstaklingskeppninni endaði ég í 9.-12. sæti af 80 keppendum.   

A-úrslit - fjórgangur V2
​1. Saga Steinþórsdóttir / Mói frá Álfhólum 6,80
2. Sigurbjörn Viktorsson / Tenór frá Stóra-Ási 6,47
3. Kristín Ingólfsdóttir / Garpur frá Miðhúsum 6,43
4. Hannes Brynjar Sigurgeirson / Gammur frá Enni 6,40
5. Jón Steinar Konráðsson / Garpur frá Kálfhóli 2 6,33
6. Þórunn Eggertsdóttir / Harki frá Bjargshóli 6,27
7. Sævar Leifsson / Hamar frá Hafsteinsstöðum 6,23
8.-9. Árni Sigfús Birgisson / Herdís frá Lönguhlíð 6,13
8.-9. Jóhann Ólafsson / Brúney frá Grafarkoti 6,13

---