Engar tilviljanir - margt líkt með skyldum

Eyvar frá Álfhólum, 5 vetra.

Máttarbaugur frá Álfhólum

Mánaglóð frá Álfhólum

Avaldi frá Garði

Eyvar frá Álfhólum er fimm vetra stóðhestur undan Móey, sem er systir Móa okkar og undan Þrumufleyg frá Álfhólum. Þeir frændur fengu báðir 9 fyrir tölt á kynbótasýningunni á Hellu í júní. Mói er byrjaður að stíga sín fyrstu skref á keppnisbrautinni og Eyvar á vafalaust eftir að sýna þig þarf og sanna í náinni framtíð. 

​Á sama tíma og Myrkva okkar var að standa sig vel á íþróttamótum í júní þá var Máttarbaugur, bróðir hennar að sigra sterkt fjórgangsmót á meginlandinu með 6,57 í einkunn. Máttarbaugur er 8 vetra undan Baug frá Víðinesi. Þessir tveir hestar eru flottir fulltrúar vindótta Móunukynsins frá Álfhólum. Máttarbaugur er þá komin í hóp Mónu afkvæma sem hafa sannað sig á keppnisvellinum.

​Af 16 afkvæmum Mónu hafa 7 afkvæmi átt farsælan feril á keppnisbrautinni á meðan önnur fóru snemma í ræktun til að framleiða keppnishesta eins og Móeiður (8.22), móðir Móa okkar. Má þar nefna þau Hrafnar, Hraftinnu og Mozart sem öll hafa verið í fremstu röð keppnishesta.
​  
Mánaglóð er annað systkini Myrkvu sem stóð sig vel á keppnisvellinum, móvindótt að lit. Mánaglóð skoraði 6,77 í forkeppni í fjórgangi og 6,67 í tölti áður en hún fór í ræktun. 

​Afkomendur Mónu hafa einnig haldið arfleifðinni áfram, bæði hvað varðar lit og árangur á keppnisvellinum. Má þar til dæmis nefna hinn vindótta Avaldi frá Garði sem er undan Mónudótturinni Möru og Tjörva frá Sunnuhvoli. Avaldi er 1v. verðlauna stóðhestur sem jafnframt hefur staðið sig vel á keppnisbrautinni á meginlandinu. 

Það eru engar tilviljanir í hrossarækt og gaman þegar verðmætir eiginleikar eins og keppnisárangur og litur fara svona vel saman.