Íþróttamót Sörla

Eftir brokkgenga byrjun á Reykjavíkurmeistaramóti þar sem m.a. slitnaði ístaðsól í upphitun og stökksýning mistókst, þá áttum við gott mót í Hafnarfirðinum um helgina.  Á íþróttarmóti Sörla tókum við Myrkva þátt tveimur keppnisgreinum,  slaktaumatölti og fjórgangi í 1. flokki. Eftir forkeppnina vorum við Myrkva efstar í slaktaumatölti með einkunnina 6,73, í 3. sæti í fjórgangi með 6,57 og samanlagðir fjórgangssigurvegarar ásamt Svanhvíti Kristjánsdóttur og Glóey frá Halakoti. Í úrslitunum unnum við okkur upp um sæti í fjórgangi og enduðum í 2. sæti með einkunnina 6,77. Í úrslitum slaktaumatöltsins var fullmikill asi á okkur sem varð okkur dýrkeyptur á slaka taumnum og fellum við niður í 3. sæti með einkunnina 6,33.

A-úrslit í fjórgangi 1. flokki:
1. Svanhvít Kristjánsdóttir, Glóey frá Halakoti 6,83
2. Saga Steinþórsdóttir, Myrkva frá Álfhólum, 6,77
3. Anna Björk Ólafsdóttir, Messa frá Stafholti, 6,50
4. Hanna Rún Ingibergsdóttir, Hlýr frá Breiðabólsstað, 6,40
5. Snorri Dal, Gnýr frá Svarfhóli, 6,33

---