Kúrekar á reiðnámskeiði Fáks

Arnar Þór (tv.) og Steinþór Nói (th.).

Við vorum svo lánsöm að Ella vinkona okkar lánaði Steinþóri Nóa (7) hana Fjöður sína (14v.) á reiðnámskeiði hjá Önnu Laugu í vor. Námskeiðið er vel heppnað og í alla staði stórskemmtilegt. Ekki skemmdi heldur fyrir að Arnar Þór vinur hans Steinþórs Nóa var skráður á sama námskeiðið og hafa þeir félagar haft gagn og gaman af. Farið var í alla mögulega leiki á námskeiðinu s.s. hestafótbolta, ýmiskonar eltingaleiki, staðið á hestbaki og snúið öfugt í hnakknum. Í framhaldi af námskeiðinu höfum við mæðginin síðan farið í nokkra stutta reiðtúra saman í kringum svæðið. Það verður að viðurkennast að okkur hlakkar mikið til sumarsins og áframhaldandi útreiða á góðviðrisdögum.

---