Landsmót hestamanna í Reykjavík

Forkeppni í B-flokki, 8.49 í einkunn.

Landsmótið í Reykjavík var haldið á okkar heimasvæði í Víðidalnum í sumar. Við vorum tvo hesta sem tóku þátt í þremur atriðum á mótinu. Við Mói kepptum fyrir hestamannafélagið Fák í B-flokki gæðinga og fengum 8.49 í einkunn, sem var aðeins 0,06 stigum frá milliriðlum og enduðum við í 39. sæti af 109 keppendum. Þá tókum við Mói jafnframt þátt í ræktunarbússsýningu Álfhóla á föstudagskvöldvökunni með Söru vinkonu og fjölskyldu þar sem átta 1. verðlauna stóðhestar voru sýndir fyrir hönd búsins. Frábær skemmtun og mikill heiður fyrir okkur Móa að vera valin í hópinn, ekki síst þar sem hann var eini stóðhesturinn sem ekki var í eigu fjölskyldunnar sjálfrar.  

Loks sýndi Viðar Ingólfsson hana Eldey frá Árbæjarhjáleigu í afkvæmahópnum með Jarli föður sínum sem hlaut 1. verðlaun fyrir afkvæmi á mótinu. Virkilega skemmtilegt mót fyrir okkur fjölskylduna og sérlega ánægjulegt að fá tækifæri til að keppa og sýna á heimavelli.  

Ræktunarbússýning frá Álfhólum.