Mjölnir frá Reykjavík

Þá er biðin loks á enda. Um helgina fæddist Mjölnir frá Reykjavík undan Ölni frá Akranesi og Myrkvu frá Álfhólum. Við vorum að vonast eftir hryssu að þessu sinni en fengum í staðinn fimmta hestfolaldið okkar í röð og þann þriðja í röð sem er jarpur að lit. Það eru því liðin heil sjö ár síðan hryssa fæddist okkur síðast og við bíðum enn.

​Ekki voru þau Myrkva og Ölnir heldur að splæsa í stjörnu, blesu eða vagl í auga og einlitur er Mjölnir með eindæmum. Hann er þó búinn að hvísla því að mér að hann muni bæta okkur þetta allt upp með einstökum gæðum og skörungskap. 

---