Dagfarasonurinn er allur

​Sá leiði atburður átti sér stað á aðventunni að fyrsta folaldið sem fæðist okkur í heil þrjú ár fannst bráðkvaddur í haganum. Ungi folinn var annað folaldið undan Myrkvu okkur en hann var jafnframt undan gæðingnum Dagfara frá Álfhólum (8.62) sem er í eigu Söru vinkonu okkar. Fyrir eigum við eitt afkvæmi undan Myrkvu sem er á fjórða vetri, Mjölni frá Reykjavík.  ​

Þá vorum við með Eyrúnu frá Strandarhjáleigu (8.25) í tvo mánuði í sumar í girðingu hjá Sjóði frá Kirkjubæ (8.70) en því miður fyljaðist hún ekki eftir dvölina. Það fer því afar lítið fyrir ræktunarafrekum okkar þessa dagana þrátt fyrir heiðarlegar tilraunir á því sviði og lítið hætta á offjölgun í litla stóðinu okkar á næstunni. Við horfum þó björtum augum fram á veginn og vonum að næsta ár verði okkur gjöfulla í þessum efnum.