Sumarþjálfun

Mói 4v. frá Álfhólum.

Mói 4v. frá Álfhólum.

Í sumarbyrjun sóttum við Ágústínusarsynina okkar tvo úr vetrarbeitinni í Kjós en þeir voru báðir gerðir reiðfærir síðastliðið haust. Við höfum í sumar haldið áfram þeirra grunnþjálfun og tamningu og fórum við meðal annars með þá í þrjá stutta rekstrartúra. Þar af var 2ja daga rekstrartúr áleiðis til Þingvalla og tveir tamningartúrar í Landeyjunum með Söru og fylgdarliði í Álfhólum. 
Af öðrum hrossum hjá okkur er það helst að frétta að Skriða frá Reykjavík hefur verið seld til Svíþjóðar og heldur til nýrra heimahaga í næsta mánuði. Óskum við nýjum eigenda til hamingju með hryssuna. Við höfum jafnframt fest kaup á efnilegum ungfoli frá Álfhólum því finna þurfti nýjan arftaka fyrir þegar Myrkva var leidd undir stóðhest í sumar.  Það var ljóst að húsfreyjan var ekki reiðubúin til þess að leggja keppnisskóna á hilluna að svo stöddu. Því var farið á stúfana að leita að hestefni til að taka við hlutverkinu og þótti okkur í því sambandi algjör óþarfi að fara yfir lækinn til að sækja vatnið. Því varð fyrir valinu 4 vetra náfrændi Myrkvu, nánar tiltekið systursonur hennar undan klárhryssunni og hestagullinu Móeiði frá Álfhólum (8,22, þar af 8,43 fyrir hæfileika) og Kjerúlf frá Kollaleiru (8,44, þar af 8,64 fyrir hæfileika). Nánar má lesa um þennan unga og efnilega fola hér. Það eru því spennandi tímar framundan í vetur með nýjum verkefnum.