Tíðindalítill vetur

Steinþór Nói og Róska í janúar 2014.

Það er óhætt að segja að hér á bæ hafi ríkt hálfgerð gúrkutíð síðustu mánuðina. Við vorum með nokkur hross í tamningu og þjálfun framm í miðjan október en tókum ekki aftur á hús fyrr en í lok janúarmánaðar. 

Þrjár hryssur eru hjá okkur í þjálfun þennan veturinn og gengur frekar rólega sökum anna í öðrum verkefnum og leiðindartíðar í veðurfari. Það er annars helst af okkur að frétta að enn hefur fækkað í litla stóðinu okkar því fimmgangarinn Gróska frá Kjarnholtum I kvaddi okkur og föðurlandi í febrúar. Ég á eftir að sakna þess að geta ekki lengur leikið mér á fimmgangsvængnum en ég hafi mjög gaman af öllum þeim greinum sem við Gróska lékum okkur í s.s. fimmgangi, A-flokki og gæðingaskeiði. 

Vonandi gefst tækifæri til þess að æfa sig betur í þessum fimmgangsgreinum síðar en engin arftaki er að minnsta kosti í augsýn. Fjórgangsvængurinn verður því að duga frúnni í bili en við Myrkva stefnum ótrauðar á þátttöku í B-flokki, fjórgangi og slaktaumatölti með vorinu.  

---